Џозеф Џон Диогарди и Ширли Клојс Диогарди прогласени за „Почесни Граѓани” на Општина Чаир

На денешната редовна седница на Советот на Општина Чаир беше усвоен предлогот за доделување на титулата „Почесен Граѓанин” на две истакнати личности со извонреден придонес во заштитата на правата на Албанците и нивното достоинствено претставување на меѓународната сцена – г. Џозеф Џон Диогарди и г-ѓа Ширли Клојс Диогарди.

Со оваа одлука, Општина Чаир му оддава почит на Џозеф Диогарди – првиот Американец со албанско потекло избран во Конгресот на САД и силен поддржувач на албанската кауза – како и на неговата сопруга Ширли Клојс Диогарди, позната активистка за човекови права и заштитничка на вистината за Албанците во меѓународните институции.

Свечената церемонија на доделување на титулата ќе се одржи на 14 јуни 2025 година, во Хотел Holiday Inn – Скопје, со присуство на институционални претставници, дипломатскиот кор и граѓани.