Трагична сообраќајна несреќа во Охрид: Автомобил излета на тротоар и прегази двојка – жената загина, мажот во критична состојба

Тешка сообраќајна несреќа се случи вечерва наспроти зградата на охридската гимназија, кога автомобил марка „Голф 7“ излетал од коловозот и удрил двајца пешаци – маж и жена – кои се движеле по тротоарот.

Жената починала на лице место, додека мажот е со тешки повреди и во критична состојба е пренесен во болница.

Според првични, неофицијални информации, возачот не поседувал возачка дозвола. Полицијата изврши увид, а истрагата е во тек за да се утврдат сите околности поврзани со трагичниот настан што ја потресе охридската јавност.
Фото: Охрид1