(Видео) Јане Славов со нов сингл – „Инсомнија“

Македонскиот пејач Јане Славов ја промовира својата нова песна насловена како „Инсомнија“, инаку авторско дело на Виктор Апостоловски, кој стои зад комплетната музичка, текстуална и визуелна реализација на проектот.

Станува збор за современа поп композиција со модерен аранжман и впечатлива вокална интерпретација, преку која Славов продолжува да го гради својот солистички правец на македонската музичка сцена.

Спотот за песната е снимен на неколку локации низ Македонија, а најмногу од кадрите се изработени во Битола. Песната е веќе достапна на сите дигитални платформи, а официјалното видео може да се погледне на YouTube.