Германија не треба да е пречка во воената поддршка за Украина, вели Хабек откако Дуда најави меѓународна коалиција за воена помош
Германија не би требало да стои на патот на воената поддршка на другите земји за Украина, изјави денеска германскиот вицеканцелар Роберт Хабек, коментирајќи го притисокот на Полска да испрати борбени тенкови Леопард од германско производство во Украина.
<!–/*
* The backup image section of this tag has been generated for use on a
* non-SSL page. If this tag is to be placed on an SSL page, change the
* 'http://ads.365.mk/www/delivery/…'
* to
* 'https://ads.365.mk/www/delivery/…'
*
* This noscript section of this tag only shows image banners. There
* is no width or height in these banners, so if you want these tags to
* allocate space for the ad before it shows, you will need to add this
* information to the tag.
*
* If you do not want to deal with the intricities of the noscript
* section, delete the tag (from … to ). On
* average, the noscript tag is called from less than 1% of internet
* users.
*/–>
„Германија не треба да стои на патот на другите земји да носат одлуки за поддршка на Украина, без оглед на тоа какви одлуки носи Германија“, рече Хабек во Берлин како одговор на новинарско прашање за иницијативата за создавање широка коалиција за снабдување со оружје на Украина.
Полска планира да испрати тенкови „Леопард“ во Украина како дел од меѓународната коалиција, изјави вчера полскиот претседател Анджеј Дуда при посетата на Лавов, пишува Гардијан.
Тој рече дека се работи за 14 тенкови. Киев побара тешки воени возила како што е германското производство Леопард 2, што би претставувало значаен чекор во поддршката на Западот за Украина.
„Тенковите Леопард ќе бидат предадени во рамките на изградбата на коалиција. Сакаме тоа да биде меѓународна коалиција“, рече Дуда во Лавов.
Дуда вчера го посети Лавов, заедно со украинскиот и литванскиот претседател Володимир Зеленски и Гитанас Науседа.
Портпаролот на германската влада претходно изјави дека не е запознаен со никакви барања од сојузниците за испраќање борбени тенкови Леопард во Украина.
МИА
