Изгоре фабрика за сладолед, пожарникари го спасуваат аеродромот Стенковец

Пожар од големи размери денеска ја зафати индустриската зона кај Визбегово, при што целосно изгоре фабрика за сладолед.

Од магацинот на фабриката се слушаа и експлозии.

Покрај фабриката, во пожарот изгоре и едно комбе кое се наоѓало во близина. На терен се повеќе противпожарни екипи, а локалните власти апелираат за внимателност и повикуваат на дополнителна поддршка.

Огнот брзо се прошири поради силниот ветер, а пожарникарите сега се борат да го спречат да стигне до спортскиот аеродром Стенковец, кој е под сериозна закана.

Ситуацијата се следи со загриженост, додека чадот и пепелта се шират низ поширокиот дел од Скопје.

извор 4NEWS.mk