Со црковни церемонии претстојниот викенд во Охрид ќе биде востоличен новиот Митрополит на Дебарско – кичевската епархија Георгиј.

Со црковни церемонии претстојниот викенд во Охрид ќе биде востоличен новиот Митрополит на Дебарско – кичевската епархија Георгиј. По тој повод Македонската православна црква – Охридска Архиепископија, ги повикува верниците верниците да земат молитвено учество во големите и настани.

-Почитувани верни чеда на Македонската православна црква Охридска архиепископија,
Со неискажлива духовна радост, ве покануваме да земете молитвено учество во големите и бележити настани на нашата Света Црква: Наречение на новоизбраниот архијереј Дебарско-кичевски, архимандритот Георгиј – на 12 јули, во манастирот „Св. Климент Охридски и св. вмч. Пантелејмон“ на Плаошник, во Охрид, со почеток во 17 часот; Божествена литургија со хиротонија и востоличување на новиот митрополит Георгиј – на 13 јули, во Катедралниот храм на Охридските Архиепископи „Света Софија“ во Охрид, со почеток во 8:30 часот. Овие благословени собитија се од непроценлива важност за сета полнота на нашата Света Македонска Црква, се вели во соопштението од МПЦ.