(Видео) Џастин Бибер издаде албум, по пауза од четири години

Пејачот Џастин Бибер го издаде својот прв албум по четири години, насловен Swag. Седмиот албум со 21 песна беше неочекувано објавен денеска, а пејачот зборува за своите искуства како сопруг и татко, среде онлајн шпекулациите за неговиот брак со Хејли Бибер.

Бибер почна да објавува тизери на Инстаграм синоќа, а мистериозни билборди се поставени на локации низ целиот свет. Новиот албум е опишан како „едно од неговите најлични музички дела досега“.

Хејли, ќерка на американскиот актер Стивен Болдвин и сопруга на Бибер од 2018 година, за Vogue во мај изјави дека постпородилниот период бил „многу тежок“ и дека раѓањето на нивниот син Џек Блуз Бибер во август минатата година било „едно од најтешките нешта“ низ кои морала да помине.

Swag го следи албумот Justice од 2021 година.