Неколку причини зошто да изберете интегрални тестенини наместо обични
Тестенините како прехранбен производ често се на листата на намирници кои треба да се избегнуваат доколку човек сака да ослабне или поздраво да се храни. Без разлика на бројните причини за избегнување на оваа популарна храна, многу често се наоѓа на трпезата во речиси секој дом.
За да се храните поздраво, не мора нужно да ги избегнувате тестенините. За почеток, важно е да ја консумирате препорачаната количина, што е околу 70 грама сурови тестенини по порција.
Меѓутоа, ако сакате поздрава опција, изберете тестенини од цели зрна наместо бели тестенини. Ако ги погледнеме калориите помеѓу овие два вида тестенини, ќе видиме дека тие се многу слични.
Белите тестенини на 100 грама производ содржат околу 370 калории, 75 јаглени хидрати, 13 протеини и околу 2 грама масти. Интегралните тестенини на 100 грама производ содржат околу 350 калории, исто така 75 грама јаглени хидрати и 13 грама протеини и 2 грама масти.
Сепак, бројките не се секогаш мерило за здрава исхрана. Постојат неколку причини зошто интегралните тестенини се подобар избор од обичните, бели тестенини.
Интегралните тестенини се направени од цели зрна, па затоа содржат до двојно повеќе влакна, што промовира подобро варење во телото. Содржи и повеќе железо, што е добро за вашата крвна слика.
Исто така, имаат многу повеќе магнезиум и фосфат, кои влијаат на здравјето на забите и коските, а нискиот гликемиски индекс значи дека нивото на шеќер нема да ви се зголеми како обичните тестенини.
И на крај, интегралните тестенини и генерално производите од интегрално брашно даваат подолго чувство на ситост и енергија. На овој начин ќе јадете помалку тестенини, но и ќе избегнете глад во подоцнежните часови, па затоа интегралните тестенини се добар избор доколку сакате да ги избегнувате грицките.
