ПОДГОТВЕТЕ СЕ ЗА МИНУСНА ТЕМПЕРАТУРА – набрзо ни доаѓаат и нови врнежи од снег

Времето утре ќе биде променливо облачно со повремен локалeн слаб дожд, а на некои повисоки места и на планините од снег, претежно во северните делови. Ќе дува слаб до умерен ветер од северен правец.

Во Скопје ќе биде променливо облачно со слаб ветер од северен правец.
Во недела времето ќе биде сончево со мала до умерена облачност и со слаб до умерен јужен ветер.

Во понеделник времето ќе биде наутро студено со појава на магла по котлините. Преку денот ќе биде променливо облачно, а доцна попладне и во текот на ноќта претежно во западните делови ќе има врнежи од дожд, на планините од снег. Ќе дува слаб до умерен, а долж Повардарието повремено засилен ветер од јужен правец.
Во вторник времето ќе биде променливо облачно и ветровито со повремени врнежи од дожд, пообилни во западните делови. Ќе дува умерен до засилен јужен ветер.