(Видео) Мајли Сајрус го најави новиот албум со песна посветена на поранешниот маж Лијам Хемсфорт

Пејачката Мајли Сајрус ја промовираше песната Flowers со која го најави новиот албум што треба да излезе наскоро. Но, неколку часа откако ја објави песната, на социјалните мрежи се појави видео на кое е направена споредба помеѓу текстовите на Flowers и на песната When I Was Your Man од Бруно Марс, која Лијам Хемсфорт, поранешниот маж на Мајли, ѝ ја посвети во времето кога беа свршени.

„Неверојатно е колку добро пишува Мајли. Само што дознав дека Лијам ѝ посветил песна од Бруно Марс кога беа свршени“, стои на видеото објавено на тик-ток, а фановите на шега велат дека пејачката решила да го промовира албумот со песна посветена на бившиот маж.