СИЛНО ТОРНАДО БЕСНЕЕ НИЗ САД: Оштетени куќи, срушени далноводи, откорнати дрвја… (ВИДЕО)

Во американските сојузни држави Алабама и Кентаки денеска силно торнадо оштети куќи, урна далноводи и корнеше дрвја, соопшти Националната метеоролошка служба во Бирмингем и Луисвил.

Градоначалникот на Селма, Џејмс Перкинс, изјави за VSFA дека најмалку едно лице се верува дека е заробено во зградата и дека уште едно лице може да се води за исчезнато, пренесе АП.

Повеќекратни предупредувања за торнадо беа издадени денеска во Алабама, Мисисипи и Тенеси.

Националната метеоролошка служба во Луисвил, Кентаки потврди дека торнадо ЕФ-1 падна во округот Мерсер со соборени далноводи, оштетени домови и соборени дрвја.

Во соопштението на Националната метеоролошка служба во Бирмингем се вели дека торнадото предизвикало штета додека се движело низ градот Селма, како и низ другите окрузи во Алабама.

Националната метеоролошка служба издаде предупредување за торнадо во неколку окрузи северно од главниот град на Алабама, Монтгомери.

„Ова е ситуација опасна по живот. Засолни се сега“, предупреди метеоролошката служба за торнадото.