Манчестер јунајтед го сака Камавинга

Францускиот фудбалер Едуардо Камавинга би можел да го смени клубот и да се пресели од Реал Мадрид во Манчестер јунајтед.

Тренерот на тимот од „Олд Трафорд“ Рубен Аморим сака засилувања во средниот ред, првата идеја беше да се доведе Карлос Балеба од Брајтон, но Јунајтед нема намера да плати 120 милиони евра.

Како што објави „Фихајес“, Јунајтед се насочи кон Едуардо Камавинга и се очекува дека Реал би можел да го пушти за 80 милиони евра.

Според шпанските медиуми, постои и трета опција, а тоа е Лисиен Агуме од Севилја, кој според клаузулата во договорот може да замине за 35 милиони евра.

Сепак, според сите извештаи, Агуме е резервна опција, доколку Јунајтед не успее да го доведе Камавинга во своите редови.

Моментално е непознато дали Реал сака да се откаже од францускиот фудбалер.

Фото/ Принтскрин