(Видео) Нестварен кикс и прекрасен лоб од 25 метри во ЛШ

Клуб Бриж направи џиновски чекор кон главната фаза од Лигата на шампионите. Белгискиот тим славеше синоќа со 3:1 на гостувањето кај Глазгов Ренџерс, во првиот плејоф натпревар.

Стрелци за гостите беа Ромео Вермант во 3-та, Јорне Шпилеерс во 7-та и Брендон Мехеле во 20-та минута, додека единствениот гол за домаќините го постигна Данило во 50-та минута.

Првиот гол на Бриж беше постигнат по неверојатната грешка на Насер Џига. Дефанзивецот на Ренџерс ја имаше топката близу центарот, но необјасниво му ја предаде на ривалот Вермонт. Тој го прифати подарокот и истрча со топката кон голот, а потоа со брилијантен лоб од 25 метри го совлада Џек Батланд.