Муратовиќ се појави боса на црвениот тепих во Сараево

Филмската и телевизиската актерка Мона Муратовиќ од БиХ привлече внимание на црвениот тепих на Сараевскиот филмски фестивал со необичен потег – наместо да носи чевли, се појави боса.

За оваа пригода, таа избра долг елегантен бордо фустан, но причината зошто одлучи да оди без чевли е непозната.

Муратовиќ се појави на фестивалот во придружба на својот сопруг, водителот Данко Делибашиќ, кој носеше класично сиво одело.

Во Босна и Херцеговина, тие се познати како еден од најхармоничните парови, а заедно имаат ќерка Ливија и син Виго, додека Мона го има и синот Акин од претходниот брак.

Инаку, Мона Муратовиќ дипломирала глума на Академијата за сценски уметности во Сараево, а студирала и историја на уметност и компаративна книжевност на Филозофскиот факултет во Сараево.