Украина ќе продолжи да работи на усвојување на резолуцијата во Генералното собрание на ОН

– Заменик-министерката за надворешни работи на Украина, Емине Џапарова изјави дека Киев ќе продолжи да работи на усвојување на резолуција во Генералното собрание на Обединетите нации во која би била содржана мировната формула од 10 точки на претседателот на Украина, Володимир Зеленски.

– Украинското раководство одлучи дека приоритет за кој ќе се разговара во февруари е резолуцијата посветена на формулата за мир, изјави Џапарова за новинарите во ОН, каде што присуствуваше на состанокот на Советот за безбедност за владеење на правото, пренесе Гласот на Америка. .

На самитот на Групата 20 во ноември, Зеленски се обрати на собирот преку видео запис и ја изложи својата визија од 10 точки за ставање крај на руската војна против неговата земја. Тие вклучуваат повлекување на руските трупи и крај на непријателствата, како и нуклеарна безбедност, безбедност на храната и енергијата, ослободување на воени затвореници и депортирани лица.