ТЕНИСКА ЛЕГЕНДА – Мартина Навратилова за прв пат видена во јавност по ужасната дијагноза

Навратилова е видена како излегува од својот дом во Мајами, а неодамна изјави дека со се што има ќе се бори со дијагнозата.

Според многумина, една од најдобрите тенисерки на сите времиња, пензионираната Мартина Навратилова, за прв пат е видена во јавноста откако откри дека боледува од двоен рак. Навратилова во ноември почувствува отечени лимфни јазли во пределот на вратот и се покажа дека е тумор на грлото, а и беше дијагностициран и тумор на дојката.

„Ова е сериозен удар, но состојбата се уште може да се поправи. Се надевам на поволен исход, ќе „смрди“ некое време, но ќе се борам со се што имам“, изјави неодамна легендарната тенисерка, која освои рекордни 9 турнири на Вимблдон во нејзината кариера.

Сега таа била видена како излегува од својот дом во Мајами, а 66-годишната жена е облечена во темноцрвена качулка и сиви тренерки. На главата имала капа и очила за сонце, а на лицето не е нашминкана.

Американката со чешко потекло, која е во брак со поранешната руска кралица на убавината Јулија Лемигова (50), се бореше и со ракот на дојката во 2010 година, кога успешно беше отстранет по серија третмани со зрачење.

Покрај 9 титули на Вимблдон, Навратилова освои исто толку Грен слем турнири во сингл, вкупно 53 (ако се додадат двојки и мешани двојки). Таа се пензионираше во 2006 година по УС Опен.