Поп Ацев го преплива Ла Манш
Маратонецот, Евгениј Поп Ацев го преплива каналот Ла Манш. Каналот долг 33 километри, Поп Ацев го преплива за девет часа и 43 минути. Поп Ацев стана петтиот Македонец кој го препливал Ла Манш, по Нико Нестор, Атина Бојаџи, Томи Стефановски и Игор Димовски.
„Огромни честитки за Евгениј Поп Ацев, кој го комплетираше пливањето во Ла Манш за неверојатно време од девет часа и 43 минути“, објави Асоцијацијата за пливање преку каналот Ла Манш.
Поп Ацев (37) е еден од најуспешните македонски пливачки маратонци, се натпреваруваше од 2007 до 2021, трипати беше светски првак. Во 2015 стана првиот Македонец кој победил на Охридскиот пливачки маратон.
Евгениј Поп Ацев е член на Меѓународната сала на славните за маратонско пливање.
Фото/ Фејсбук
The post Поп Ацев го преплива Ла Манш appeared first on info.mk.
Следете не, не има насекаде
