Силен ветер во Скопје – откорнат кров од зграда во Чаир
Попладнево силен ветер започна да дува низ Скопје, предизвикувајќи проблеми во повеќе делови од градот. Најдраматична сцена се случи во Чаир, каде силните налети на ветрот откорнаа кров од една од станбените згради.
На видеото на кое се гледа моментот кога кровната конструкција се крева и паѓа.
За среќа, засега нема информации за повредени лица, но материјалната штета е значителна. Жителите на Чаир велат дека ваква сцена не паметат и дека се исплашиле од силата на ветрот.
Метеоролозите најавуваат нестабилно време и апелираат граѓаните да бидат внимателни, особено во близина на конструкции и објекти кои би можеле да претставуваат опасност.
