Еден полицаец во тешка состојба поради вдишан чад при вчерашниот пожар кај СЦ Борис Трајковски

Еден припадник на полицијата од ПС Карпош се наоѓа во тешка здравствена состојба откако вдишал голема количина чад за време на вчерашниот пожар кој избувна во близина на Спортскиот центар „Борис Трајковски“ во Скопје.

Според информациите, полицаецот бил пренесен во болница веднаш и му е укажана итна лекарска помош. Неговата состојба се следи од страна на медицинските екипи.

Публиката, ракометарите и спортските работници беа безбедно евакуирани. Според информациите од МВР, полициските службеници кои биле ангажирани за обезбедување на турнирот веднаш се вклучиле во гаснењето заедно со екипите од противпожарна заштита.

Како последица на вдишување чад, девет полициски службеници завршија на Одделот за токсикологија каде им е обезбедена кислородна поддршка.

извор: 4news.mk