Полицаец во тешка состојба по пожарот кај СЦ „Борис Трајковски“, девет колеги на кислородна поддршка

Еден припадник на ПС Карпош се наоѓа во тешка здравствена состојба откако вчера вдишал голема количина чад за време на пожарот што избувна во близина на Спортскиот центар „Борис Трајковски“ во Скопје. Полицаецот веднаш бил пренесен во болница, каде му е укажана итна лекарска помош, а медицинските екипи ја следат неговата состојба.

Сите посетители, ракометари и спортски работници беа безбедно евакуирани. Девет други полициски службеници, кои учествувале во обезбедувањето на турнирот и гаснењето на пожарот заедно со противпожарните екипи, завршиле на Одделот за токсикологија, каде им е обезбедена кислородна поддршка.