Малолетник со тврд предмет нападнал полицаец во Куманово

Среде ноќ полицијата фати двајца малолетници од Куманово при обид за кражба. Едниот од нив нападнал полицаец.

– На 13.09.2025 во 02:30 часот на улица „Љупчо Арсовски” во Куманово, полициски службеници од СВР Куманово лишија од слобода двајца малолетници од Куманово. Постапувајќи по претходна пријава дека се обидувале да влезат во куќи на улицата, полициски службеници ги затекнале малолетниците со тврди предмети во рацете, при што еден од нив физички нападнал полициски службеник кој вршел службени дејствија, инфромираа од полицијата.

Малолетниците се приведени во полициска станица и по целосно документирање на случајот против нив ќе следува соодветна пријава.