Две лица од Трубарево уапсени во Аеродром поради палење кабли

Две момчиња од Трубарево се приведени во Аеродром откако биле затекнати како палат кабли во парк на булеварот „Февруарски поход“.

Според информациите од Министерството за внатрешни работи, полициски службеници од полициската станица Аеродром викендов ги лишиле од слобода Т.М. (23) и И.М. (26), двајцата од Трубарево. Нив ги пријавил вработен во Општина Аеродром, кој сведочел на настанот.

Полицијата веднаш интервенирала, ги затекнала на лице место и ги привела двајцата осомничени.

Тие се задржани во полициска станица, а по целосно документирање на случајот против нив ќе биде поднесена соодветна пријава за делото „предизвикување општа опасност“.