Полиција откри поголема количина дрога во скопско Ѓорче

Единицата за недозволена трговија при СВР Скопје денеска (01.10.2025) спроведе претреси на три локации на подрачјето на Ѓорче Петров по претходна судска наредба.

При претрес во домот на Д.Б. (24) од Скопје, полицијата пронашла и одзела поголема количина кокаин, марихуана и пари, поради што лицето е лишено од слобода.

По целосно документирање на случајот, против него е поднесена кривична пријава до Основното јавно обвинителство – Скопје, по брза постапка, за кривично дело по член 215 од Кривичниот законик на Република Северна Македонија.