Се запали кола на плин во населбата Горно Оризари во Битола

Се запали кола на плин во населбата Горно Оризари во Битола. Пожарникарите од ТППЕ Битола успешно се справија со ситуацијата во која истекуваше плин од возилото.

По примена дојава во 15:30ч. за запалено возило во Горно Оризари ТППЕ Битола интервенираше со 1 возило и 5 пожарникари.

При интервенцијата од возилото успешно и професионално е отстранета и дислоцирана плинска боца под притисок која испушташе плин и претставуваше опасност за населението и објектите околу неа.

Со храброста, посветеноста, дисциплината и секојдневните многубројни и високоризични интервенции ТППЕ Битола повторно jа докажаа својата професионалност, стои во објавата на битолските пожарникари.