100% избројани гласови во Скопје: Орце и Амар во втор круг, СДСМ петта партија на советнички листи

Државната изборна комисија до утрово има пребројано 100 проценти од гласовите за избор на градоначалник на Град Скопје.

Според резултатите во вториот круг одат Орце Ѓорѓиевски од ВМРО-ДПМНЕ со освоени 91.582 гласа и Амар Мециновиќ од Левица со освоени 30.659 гласови.

Трет е Башким Бакиу од ВЛЕН со 27.864 гласа, додека Каја Шукова од СДСМ е на четвртото место со освоени 26.714 гласа.

Што се однесува до мандатите во советот нив најмногу ги освои ВМРО-ДПМНЕ која ќе има 18 советнички места.

Потоа следува коалицијата НАИ предводена од ДУИ со шест советника, исто толку имаат и Левица и ВЛЕН, додека СДСМ е петта партија во Скопје со освоени пет советнички мандати.

Во Советот на Град Скопје свои претставници ќе имаат и ЛДП, ЗНАМ, Независни заедно и Зелен хуман град.