„Независни за Карпош“ со Демант за написот „Се отвора паричникот: Kој ќе ги купи „независните” во Карпош?”

Интегрален текст од соопштение за јавност – демант на „Независни за Карпоп“ на напис објавен на 24 Инфо.мк:

Цврсто и недвосмислено ги отфрламе дезинформациите објавени во 24info.mk за наводна продажба на нашите гласови. Во текот на мандатот 2021–2025, кога имавме два советнички мандата, јасно покажавме дека единствен водич ни се ветувањата дадени на граѓаните. Така ќе биде и во следниот мандат, кога тројца советници од „Независни за Карпош” ќе седнат во Советот.

Токму корупцијата во општеството и локалната власт нè мотивира да се бориме за почисти и похумани политики. Не постојат пари кои би нè поколебале од таа цел. Нашите гласачи ги почитуваме и цениме, и никогаш не би се осмелиле да тргуваме со нивната доверба — ниту пак тие би прифатиле такво нешто.

Апелираме до медиумите за професионално и одговорно известување, без шпекулации и конструкции. Секогаш сме отворени и достапни за новинарски прашања и транспарентен разговор.

Доколку овој демант не биде објавен, ќе бидеме приморани да покренеме судска постапка за ширење клевети и нарушување на угледот.