Руни: Да бев на местото на Слот, Салах ќе го исфрлев од тимот

Вејн Руни не се согласува дека Ливерпул го фрли Мохамед Салах „под автобусот“.

Напротив, тој верува дека е обратно.

Во нова епизода од подкастот „Шоуто на Вејн Руни“, легендарниот напаѓач на Манчестер Јунајтед жестоко го критикуваше однесувањето на исто така легендарниот фудбалер на соперничкиот клуб.

„Арне Слот мора да покаже авторитет, да го остави настрана и да каже: „Не патуваш со тимот, она што го кажа е неприфатливо. Оди на Африканскиот куп на нации и остави работите да легнат на свое место. Да бев јас менаџер, нема шанси да биде во тимот“, рече Руни, коментирајќи ги драматичните тврдења на Салах, изнесени пред камера по ремито со Лидс, дека клубот отворено работи против него.

„Црвените“ се подготвуваат мечот против Интер во Лигата на шампионите во вторник вечерта. Со или без Салах, останува да се види.