Новогодишна прослава во Скопје со македонски изведувачи

Град Скопје со скромни средства ќе го украсува градот пред Нова година, а за дочекот на празникот прославата ќе ја организира „Државната видео лотарија“.

Како што рече градоначалникот Орце Ѓорѓиевски, услов за организирање на настанот бил на новогодишната ноќ да настапуваат македонски изведувачи. Во текот на вечерта ќе пеат Тамара Тодевска, Каролина Гочева, а ќе има и настапи на изведувачи на македонска народна музика и музика за најмалите неколку дена.

Ѓорѓиевски ги покани сите да присуствуваат на плоштадот „Македонија“ во центарот на Скопје.