(Видео) Нкунку со првите голови во Серија А ја потопи Верона

Во првиот натпревар од неделната програма од 17-то коло на Серија А, Милан ја победи Верона со 3:0.

Милан повторно е на чело на Серија А. Барем за неколку часа, бидејќи во првиот натпревар од неделната програма освои три бода и барем накратко го прескокна градскиот ривал Интер.

Што и да наорави Интер во Бергамо на крајот на денот, ова ќе биде идеален крај на календарската година за „росонерите“. По исклучително разочарувачката минатата сезона, малкумина веруваа дека Милан ќе биде на врвот на Серија А само шест месеци подоцна.

Но, Масимилијано Алегри повторно покажа дека го познава ова натпреварување и дека е способен да создаде сериозни конкуренти од своите тимови за кратко време.

Играч на натпреварот беше Кристофер Нкунку, играч кој на претходните 11 натпревари не успеа да постигне гол.

Откако Кристијан Пулишиќ го постигна првиот гол, Нкунку со два гола во вториот дел стави точка на натпреварот.

Foto/ freerangestock