Ракометарите загубија во Пореч од Хрватска

Ракометната репрезентација на Македонија доживеа пораз во првиот контролен меч, пред Европското првенство. Во Пореч, Хрватска ја победи Македонија со 26:23 (14:11).

Македонија имаше предност во воведните пет минути (3:2), потоа Хрватите започнаа да ја диктираат играта, благодарение на одличниот голман Дино Славиќ и нереализиранбите три седмерци, дојдоа до предност од четири гола. Разликата на полувремето беше три гола за домаќинот.

На почетокот на вториот дел Хрватите ја достигнаа највсоката предност, од пет гола. Македонија успеа да се врати во мечот, во 49.минута дојде до гол негатива (20:19).

Сепак некои избрзани одлуки во нападот и голманот Славиќ на крајот и ја донесоа победата на Хрватска.

Дино Славиќ беше најдобриот играч на теренот со 15 одбрани.

Никола Митревски запиша 11 одбрани за македонскара репрезентација, додека Филип Кузмановски постигна седум гола, но од 15 обиди.

Foto/ VANESA PANDZIC Cropix