Мнозинството Австријци и Германци се за што поскоро завршување на војната во Украина, макар и по цена на територии
Шеесет и четири отсто од Австријците, 60 отсто од Германците и 50 отсто од шпанските испитаници сметаат дека војната во Украина треба да заврши што е можно поскоро, дури и ако тоа значи дека Украинците би морале да жртвуваат дел од својата територија со отстапки кон Русија, покажуваат резултатите од новото паневропско истражување објавено денеска од шпанската агенција ЕФЕ.
<!–/*
* The backup image section of this tag has been generated for use on a
* non-SSL page. If this tag is to be placed on an SSL page, change the
* 'http://ads.365.mk/www/delivery/…'
* to
* 'https://ads.365.mk/www/delivery/…'
*
* This noscript section of this tag only shows image banners. There
* is no width or height in these banners, so if you want these tags to
* allocate space for the ad before it shows, you will need to add this
* information to the tag.
*
* If you do not want to deal with the intricities of the noscript
* section, delete the tag (from … to ). On
* average, the noscript tag is called from less than 1% of internet
* users.
*/–>
Студијата ја спроведе Европската мрежа за испитување на јавното мислење „Јуроскопија“ во девет земји од ЕУ – Португалија, Австрија, Холандија, Полска, Шпанија, Франција, Германија, Италија и Грција.
Испораката на оружје за Украина има поддршка од 56 отсто од анкетираните граѓани на ЕУ, покажа истражувањето.
Во Шпанија истражувањето „Сигма дос“ го спроведе на крајот на декември на примерок од илјада испитаници.
Истражувањето покажа дека гласачите на левичарските партии на владејачката коалиција во Шпанија во најголем дел биле за што поскоро завршување на конфликтот во Украина, дури и ако тоа значи територијални отстапки за Русија, односно 61 отсто од гласачите на Unidas-podemos (GUE/NGL) и 55 проценти од гласачите од левицата од центарот на PSOE (S&D).
За такво решение на конфликт во Украина се изјасниле околу 46 отсто гласачи на десниот центар, како и 45 отсто на крајната десница и 44 отсто на либралниот центар.
Кога станува збор за поддршката на Мадрид за Украина, 61 отсто од Шпанците изјавиле дека се за воена поддршка за Киев.
Повеќе од 60 отсто од гласачите на ПСОЕ и ПП се за воена помош за Украина, додека повеќе од половина од гласачите на Унидас-подемос отфрлаат какво било продолжување на шпанската воена поддршка за Киев.
Испораката на оружје за Украина има поддршка од 56 отсто од анкетираните граѓани на ЕУ, покажа анкетата.
МИА
