ЦИК на Албанија го коригира постерот и сега стои македонско национално малцинство
Албанската Централна изборна комисија (ЦИК) денеска го коригира постерот наменет за македонската заедница во Албанија, употребувајќи го терминот македонско национално малцинство.
<!–/*
* The backup image section of this tag has been generated for use on a
* non-SSL page. If this tag is to be placed on an SSL page, change the
* 'http://ads.365.mk/www/delivery/…'
* to
* 'https://ads.365.mk/www/delivery/…'
*
* This noscript section of this tag only shows image banners. There
* is no width or height in these banners, so if you want these tags to
* allocate space for the ad before it shows, you will need to add this
* information to the tag.
*
* If you do not want to deal with the intricities of the noscript
* section, delete the tag (from … to ). On
* average, the noscript tag is called from less than 1% of internet
* users.
*/–>
Претходно, пред два дена претседателот на Централната изборна комисија на Албанија, Илирјан Целибаши на својата официјална Фејсбук страна на комисијата ја најави посебната програма за едукација и информирање на гласачите – припадници на националните малцинства за локалните избори и македонската заедница во Албанија беше именувана како „национално малцинство на Северна Македонија“.
После реакциите на македонската амбасада во Албанија, претставникот на македонската заедница во Комитетот за националните малцинства, партијата Македонска алијанса за европска интеграција, (МАЕИ) и Македонското друштво „Илинден“-Тирана, ЦИК го коригира постерот на македонски јазик именувајќи ја македонската заедница како македонско национално малцинство, како што официјално се признава во Албанија.
ЦИК за локалните избори што ќе се одржат на 14 мај 2023 година, за првпат во историјата на изборните процеси во Албанија, одобри посебна програма за информирање и подигање на свеста на гласачите-припадници на националните малцинство во Република Албанија, вклучително и македонското, на нивниот мајчин јазик.
МИА
