Нестварен натпревар на Вембањама против ЛА Лејкерс

Виктор Вембањама одигра неверојатна прва четвртина против Лос Анџелес Лејкерс, а до полувремето веќе имаше 37 поени, а остатокот од натпреварот го помина претежно на клупата гледајќи ја убедливата победа на својот тим.

Сан Антонио Спарс ги победија Лејкерси, кои се растурени од повредите, со 136:108 во натпревар во кој водеа од првата до последната минута.

Во овој натпревар, Лејкерси беа без Лука Дончиќ, Леброн Џејмс, Остин Ривс, Деандре Ајтон и Маркус Смарт.

Логично е дека Вембањама доминираше во првата четвртина, во која постигна 25 поени за осум минути, односно три поени повеќе од комплетната стартна петорка на Лејкерс.

На полувремето имаше 37 поени и осум скока, а потоа доби шанса за подолг одмор. Тој одигра само 26 минути, а тоа му беше доволно за да постигне 40 поени и 12 скока.

Ооа беше шестиот натпревар на Французинот, кој постигна 40 или повеќе поени за Спарс. Во својата трета сезона, тој веќе ја престигна клупската легенда и еден од најдобрите крилни центри во НБА на сите времиња, Тим Данкан. Данкан помина 19 години со Спарс и освои пет титули со нив. Тој постигна 40 или повеќе поени пет пати во својата кариера, а одигра 1.236 натпревари повеќе од 22-годишниот Французин.

Лук Кенард и Дру Тим постигнаа по 14 поени за Лејкерс, а синот на Леброн Џејмс, Брони, добро ги искористи минутите. Тој постигна 12 поени и беше најдобриот асистент на Лејкерс со шест додавања за соиграчите.