(Видео) ЈП Лајка со благородна акција „Биди мој Валентајн“ – дружете се со куче од стационарот на еден ден

Во пресрет на Денот на вљубените, ЈП Лајка организира акција за запознавање на граѓаните со кучињата сместени во стационарот.

Акцијата „Биди мојот Валентајн на еден ден“ има за цел да му овозможи на секој еден да дојде во „Лајка“ да си одбере куче со кое ќе мине еден ден и потоа да одлучи дали ќе го врати назад или пак трајно ќе го вдоми.

Радмила Пешева од ЈП „Лајка“ вели дека оваа кампања наидува на добар одѕив од граѓаните.

„Со ова се обидуваме да покажеме дека и бездомните кучиња можат да бидат одлични миленици. Се надеваме дека со вакви средби во живо им се зголемуваат шансите за вдомување и очекуваме многу повеќе вдомени кучиња отколку до сега“ вели Пешева.