Чавушоглу: Апсурдна е одлуката на шведското обвинителство за ПКК

Туркије остро го критикуваше одбивањето на Шведска кривично да ги гони приврзаниците на терористичката организација ПКК за минатонеделните провокативни демонстрации против турскиот претседател Реџеп Таип Ердоган во шведската престолнина Стокхолм.

„Одлуката на шведското обвинителство да не го истражува инцидентот е крајно апсурдна, сите знаеме што значи владеење на правото“, рече вчера турскиот министер за надворешни работи Мевлут Чавушоглу на прес-конференцијата со иранскиот колега Хосеин Амир Абдолахиан во Анкара.

Провокацијата ја изведоа терористите, рече Чавушоглу, потсетувајќи ја Шведска на трипартитниот меморандум кој ја вклучува и Финска, а кој е потпишан на Самитот на НАТО минатиот јуни, за да се посвети на безбедносните грижи на Туркије.

„Кога ќе го погледнете сведочењето на Шведска во меморандумот, дали дадоа ветување дека ќе се борат против нив (терористите)? Да. Второ, говориме за слобода на изразување. Дали овој напад, оваа провокација е расистички напад? Да“, рече Чавушоглу.

Турскиот министер за надворешни работи исто така ги запраша шведските власти дали расизмот и злосторство од омраза се сметаат за злосторство во оваа нордиска земја.

„Ова е расистички чин и чин на омраза кој вклучува злосторство од омраза, ова е против универзалните вредности и злосторство според меѓународното право. Ако мислите Шведска дека ни го одвлекува вниманието со игра на зборови, сакаме да кажеме дека со тоа себеси се лажат“, рече Чавушоглу.

Тој порача дека Шведска „или ќе стане жртва на мините што ги поставија терористите или сите ќе одат напред земајќи ги ја нашата безбедност и исполнувајќи ги обврските од меморандумот. Одлуката е на Шведска.“

Финска и Шведска официјално аплицираа за членство во НАТО минатиот мај, напуштајќи ја децениската воена неутралност, одлука поттикната од руската војна против Украина.

Туркије, како важна членка на НАТО, изрази приговори, обвинувајќи ги двете нордиски земји дека толерираат и поддржуваат терористички организации.

Во јуни, Туркије, Шведска и Финска потпишаа меморандум на самитот на НАТО за решавање на легитимните безбедносни грижи на Анкара, отворајќи го патот за конечно членство на Шведска и Финска во НАТО.

Чавушоглу го коментираше и трилатералниот состанок на Туркије, Сирија и Русија, изјавувајќи дека се потребни чекори за трајна стабилност и мир во Сирија, земја разорена од војна, пренесува ТРТ.

Тој истакна дека и Туркије и Иран го поддржуваат територијалниот интегритет на Сирија и политичкото единство, додавајќи дека Анкара и Техеран одблиску ќе соработуваат во тој поглед.