(Видео) Газдата на ПАО наредил да биде симнат банерот со ликот на Бодирога во ОАКА

Олимпијакос во вечното дерби го победи Панатинаикос со 86:80 и ја забележа 11-та победа по ред во Евролигата, против најголемиот ривал.

Сепак, најмногу коментари по натпреварот, во грчката престолнина, предизвика потегот на газдата на Панатинаикос, Димитрис Јанакопулос, кој не го криеше своето незадоволство од арбитражата во дербито.

Според информациите од Грција, тој смета дека судењето имало клучно влијание врз исходот на натпреварот во Пиреја.

За главен виновник го означил претседателот на Евролигата, легендарниот српски кошаркар Дејан Бодирога.

За време на натпреварот, Јанакопулос побарал фотографијата на Бодирога, кој двапати ја освои европската титула со Панатинаикос, да биде отстранета од арената на Панатинаикос, ОАКА.

На тој банер е прикажан Бодирога како го крева шампионскиот пехар на Евролигата во 2000 година.

Η ΚΑΕ Παναθηναϊκός αποφάσισε στο ημίχρονο του ντέρμπι στο ΣΕΦ να… κατεβάσει το λάβαρο με τον Ντέγιαν Μποντιρόγκα από το Telekom Center Athens.#paobc pic.twitter.com/5r2AdP0RTE

— gazzetta.gr (@gazzetta_gr) March 6, 2026

Еден од најдобрите европски кошаркари на сите времиња го носеше дресот на Панатинаикос четири години (1998-2002) и со клубот, меѓу другото, освои две шампионски титули во Евролигата, во 2000 и 2002 година.

По завршувањето на натпреварот, контроверзниот сопственик на „зелените“ се огласи на социјалните мрежи. На Инстаграм објави кратка порака упатена до Бодирога – на српски јазик:

„Срам да ти е!“

Foto/ EPA