На странски државјанин му биле откриени непријавени 150 илјади фунти на скопскиот аеродром

Странски државјанин на меѓународниот аеродром Скопје при контрола му биле најдени 150 илјади фунти кои не биле пријавени. Тој патувал кон Лондон.

Согласно Законот за девизно работење, на патникот му биле вратени девизи во противвредност од 10 илјади евра, додека преостанатите 141.315 британски фунти се привремено задржани. Против него е поднесена соодветна прекршочна пријава.

Царинската управа континуирано спроведува активности насочени кон откривање и спречување на нелегалниот прекуграничен пренос на готовина, со што директно придонесува во борбата против финансискиот криминал.