(Видео) Трипл-дабл пресметка меѓу Дончиќ и Јокиќ – Лејкерси го победија Денвер

Кошаркарите на Лос Анџелес Лејкерс ги победија Денвер Нагетс по едно продолжение со 127:125, во возбудлив натпревар од НБА лигата.

Херој беше Лука Дончиќ, кој погоди од „степ бек“ на помалку од една секунда до крајот.

Lakers +3

Luka Doncic is awesome. Austin Reaves is awesome. LeBron James is awesome!

Jamal Murray and Nikola Jokic just couldn’t get it done.

2 straight VIP POD WINNERS!pic.twitter.com/x3UY1qX3sw https://t.co/zkECUaaIqb

— The Ultimate Lineup (@TheUltLineup_) March 15, 2026

Од друга страна, на Нагетс не им помогна одличниот Никола Јокиќ, кој оствари нов трипл-дабл – 24 поени, 16 скока, 14 асистенции, пет украдени топки и една блокада.

Шутираше 10/19 од поле, 2/6 за тројки, 2/2 на пенали. Беше многу скромен на крајот, бидејќи постигна само два поени во последната четвртина и дополнителните пет минути.

Дончиќ го заврши натпреварот со 30 поени, 13 асистенции, 11 скока, три блокади и една украдена топка.

Интересно е што Јокиќ и Дончиќ не беа најефикасни во своите редови. Ривс ги предводеше Лејкерси со 32 поени, седум скока и шест асистенции, додека Гордон имаше 27 поени, пет скока и две асистенции кај Денвер.

Лејкерси сега имаат скор од 42-25, додека Нагетсите имаат скор од 41 победа и 27 порази.