Погледнете како изгледаат денес? Цек Николсон (89) и Џони Мичел повторно заедно на роденденска прослава

Холивудската легенда Џек Николсон го прослави својот 89-ти роденден, а фотографијата од славјето ја сподели неговата ќерка Лорена на социјалните мрежи.

На објавената фотографија, Николсон е насмеан и расположен, додека аплаудира, а веднаш до него седи музичката икона Џони Мичел, која исто така учествува во славеничката атмосфера. Нивното долгогодишно пријателство датира уште од 70-тите години, кога често биле заедно на холивудските забави.

Интересно е што токму тој период бил инспирација за песната „People’s Parties“ на Џони Мичел од 1974 година, во која се опишува гламурозниот, но и хаотичен живот на холивудската елита. Во текстот на песната дури се споменува и самиот Николсон, што дополнително ја потврдува нивната блискост.

Лорена е едно од шесте деца на актерот, а нејзината мајка е актерката Ребека Брусард. Николсон има богата кариера што трае повеќе од пет децении, откако дебитираше во 1958 година со филмот „Cry Baby Killer“.

Во текот на својата кариера, тој освои три Оскари, бројни БАФТА награди, шест Златни глобуси, па дури и Греми. Неговата последна номинација за Оскар беше во 2003 година за филмот „About Schmidt“, по што се повлече од филмската сцена, со последна улога во филмот „How Do You Know“.

Иако ретко се појавува во јавноста, секоја нова фотографија од Џек Николсон предизвикува големо внимание, потсетувајќи дека станува збор за една од најголемите икони во историјата на филмот.