Хејли Бибер искрено: „Не би се вратила во дваесеттите ни за пари“

Моделот Хејли Бибер се најде на насловната страница на Time, каде отворено проговори за личниот развој, зрелоста и погледот кон иднината. Иако се приближува кон своите 30-ти години, таа вели дека воопшто нема желба да се врати во дваесеттите, период кој за многумина важи за најбезгрижен.

„Секогаш им велам на моите пријатели: дури и да ми платат, не би се вратила ниеден ден назад. Таму нема ништо за мене“, изјави Бибер, нагласувајќи дека токму искуствата од таа декада ја обликувале како личност, но дека не чувствува носталгија.

Таа додава дека со нетрпение го очекува влегувањето во новата животна фаза, гледајќи ја триесеттата како период на стабилност, јасност и нови можности. За разлика од јавниот наратив кој често ги романтизира младите години, Бибер испраќа порака дека вистинската самодоверба и мир доаѓаат подоцна.

Со оваа изјава, Хејли Бибер уште еднаш покажа дека не се плаши да зборува искрено за личните искуства, рушејќи ги стереотипите за возраста и успехот во светот на славните.