Незадоволство во соблекувалната на Реал, причината е Килијан Мбапе

Францускиот напаѓач Килијан Мбапе го помина претходниот викенд на Сардинија заедно со својата партнерка Естер Експозито, што не предизвика позитивни реакции во јавноста и кај неговите соиграчи.

„И додека Реал се обидуваше да го победи Еспањол и со тоа да ја спречи Барселона математички да ја освои титулата, Килијан Мбапе е надвор од теренот поради повреда на бутниот мускул. Нема ништо спорно, но неговиот став да не биде заедно со тимот или дури и да не ги поддржува од трибините предизвика незадоволство“, пишува „АС“.

Овој весник наведува дека фотографиите од бродот каде што Килијан Мбапе ужива со својата девојка во деликатен момент од сезоната воопшто не предизвикале добри реакции иако добил дозвола од клубот да замине.

„Во Реал Мадрид, овој настан посеа конфузија и недоразбирања. Начинот на кој патувањето на Ембапе беше објавено на социјалните медиуми беше лошо прифатен“, пишува шпанскиот весник.

Се вели дека соблекувалната исто така не реагирала позитивно бидејќи еден од лидерите на тимот и најплатениот играч е на одмор додека тимот „крвари за бодови“ во сезона која ќе сакаат да ја заборават што е можно поскоро.

„Справувањето со повредените играчи е целосно одговорност на медицинскиот персонал на Реал, кој одредува кога треба да се јават кај Валдебебас. Освен тоа, секој играч прави она што го смета за соодветно во своето слободно време и не можам да се мешам во тоа“, рече Арбелоа по победата (2:0) над Еспањол.

Мбапе постигна 41 гол оваа сезона во исто толку натпревари. Денес се појави во „Валдебебас“ за евентуално да биде подготвен за претстојното Ел Класико.

Foto/ Depositphotos