(ВИДЕО) Стинг нема да им остави милиони на децата: Да им кажеш дека не мора да работат е злоупотреба
Легендарниот музичар Стинг повторно ја отвори темата за наследството и јавно порача дека нема намера своето огромно богатство едноставно да им го остави на своите шест деца. Во неодамнешно интервју, пејачот објасни дека верува оти децата треба сами да изградат работни навики и сопствен пат во животот.
„Да им кажете на децата дека не мора да работат е форма на злоупотреба“, изјави 74-годишниот музичар, чие вистинско име е Гордон Метју Томас Самнер. Тој нагласи дека отсекогаш ги воспитувал своите деца да бидат независни и самостојни.
Стинг откри дека честопати им велел: „Мора да работите. Јас ги трошам нашите пари, ви плаќам образование и ви обезбедувам сè што ви треба – затоа одете и работете“. Според него, ваквиот пристап не е суровост, туку начин да им покаже доверба дека ќе успеат сами да се снајдат во животот.
Музичарот смета дека големите наследства и фондови понекогаш можат да станат „товар околу вратот“ за децата, бидејќи ги оттурнуваат од желбата сами да создадат кариера и успех. Ова не е првпат Стинг да зборува на оваа тема – уште во 2014 година јавно кажа дека не сака неговите деца да живеат само од наследени пари.
Сепак, тој признава дека секогаш би им помогнал доколку навистина западнат во сериозни проблеми, но не сака тие да растат со чувство дека богатството автоматски им припаѓа.
Стинг има шест деца од двата брака – со актерката Франсис Томелти и со сопругата Труди Стајлер, со која е во брак повеќе од три децении. И покрај неговото огромно богатство и светска слава, музичарот вели дека најмногу се гордее со тоа што неговите деца имаат силна работна етика и не чекаат животот да им биде сервириран.
The post (ВИДЕО) Стинг нема да им остави милиони на децата: Да им кажеш дека не мора да работат е злоупотреба appeared first on info.mk.
Следете не, не има насекаде
