(Видео) Емери е експерт за Лига Европа – Астон Вила доминантно го освои трофејот

Фудбалерите на Астон Вила на доминатен начин ја освоија титулата во Лига Европа. Во финалниот меч, одигран на сѕадионот на Бешикташ во Истанбул, тимот од Бирмингем го победи Фрајбург со 3:0 (2:0).

Астон Вила финалето го реши во интервал од 17 минути, кога постигна три гола. Разликата во квалитетот беше очигледна, Фрајбург речиси и да не се закани кон голот на Мартинез.

Се истакнаа Буендија и Роџерс со по гол и асистенција.

Серијата ја отвори Тилеманс во 41-та минута, а спектакуларен гол за 2:0 постигна Буендија во третата минута од судиското надополнување на времето.

Сите надежи на Фрајбург дека може да направи нешто повеќе ги урна Роџерс во 58-та минута.

Астон Вила го освои првиот европски трофеј по 1982 година, кога прво го освои Купот на европските шампиони, а потоа и Суперкупот на УЕФА.

Тренерот на Вила, Унаи Емери, покажа дека е експерт за ова натпреварување, во шестото финале го освои петтиот трофеј. Претходно три трофеи освои со Севилја, еден со Виљареал, пораз доживеа само со Арсенал.

Foto/ EPA