Легендата на Челзи замина во пензија

Поранешниот капитен на Челзи и долгогодишен шпански репрезентативец, Сезар Аспиликуета, го објави крајот на својата богата кариера. Овој 36-годишен дефанзивец се збогува со професионалниот фудбал по 20 сезони, а својата одлука ја сподели со јавноста преку објава на социјалните мрежи.

Аспиликуета ја започна својата фудбалска кариера во Осасуна, клуб од неговиот роден град, пред да се пресели во француски Марсеј. Таму освои два Лига купа и еден француски Суперкуп.

Dear football,

Today, I want to share with you that this season will be my last as a professional footballer. After so many years living my dream, I feel it’s time to start a new chapter in my life.

Being honest, even though I have been preparing myself for this moment, I… pic.twitter.com/2wJ1m06Bqu

— César Azpilicueta (@CesarAzpi) May 22, 2026

Најголема трага остави во Челзи, на кого му се приклучи во 2012 година. Во текот на 11-те години поминати на „Стемфорд Бриџ“, одигра дури 508 натпревари и се здоби со статус на клупска легенда.

Со „сините“ освои две англиски првенства, ФА Купот, Лига Купот и две Лиги на Европа. Круната на неговиот престој во Лондон беше во 2021 година, кога како капитен го предводеше тимот до титулата во Лигата на шампионите.

Одигра 44 натпревари за шпанската репрезентација. Последните години од својата кариера ги помина во Шпанија. Во 2023 година, тој се пресели во Атлетико Мадрид, каде што помина две сезони, пред да пристигне во Севилја минатото лето. Оваа сезона одигра 16 натпревари во Ла Лига за клубот од Андалузија.