Аеродром домаќин на 12. Меѓународен фолклорен фестивал „Св. Троица“

Градоначалникот Дејан Митески им посака добредојде во Општина Аеродром на учесниците на 12. Меѓународен фолклорен фестивал „Св. Троица“, кој од вечерва до 1 јуни ќе се одржува во Долно Лисиче.

На фестивалот, покрај македонските, ќе настапат и млади фолклористи од Чиле, Босна и Херцеговина, Србија и Бугарија.

Фестивалот е одлична можност гостите да ја почувствуваат нашата гостопримливост и со себе да понесат прекрасни спомени од нашиот Аеродром.

„Св. Троица“ е вистински пример за негување на традицијата, на македонскиот дух и на вредностите што со гордост ги пренесуваме на младите генерации, но и прекрасна можност за испреплетување на културите, пријателството и меѓусебното почитување.

Искрени честитки и благодарност до организаторите од КУД „Гоце Маркоски“ за посветеноста и долгогодишната работа во зачувувањето на фолклорот, традицијата и културното наследство.

Општина Аеродром ги поканува граѓаните да ја проследат богатата програма и да бидат дел од оваа прекрасна фолклорна приказна исполнета со музика, игра и традиција.