Софија да престане да се заканува и да мафта со прст, а Скопје да престане да провоцира
Ситуацијата во бугарско-македонските односи треба да се промени во двата правца – Бугарија треба да престане да се заканува и да мафта со прст, а Македонија треба да престане со провокациите, смета поранешниот бугарски вицепремиер и министер за надворешни работи Ивајло Калфин.
<!–/*
* The backup image section of this tag has been generated for use on a
* non-SSL page. If this tag is to be placed on an SSL page, change the
* 'http://ads.365.mk/www/delivery/…'
* to
* 'https://ads.365.mk/www/delivery/…'
*
* This noscript section of this tag only shows image banners. There
* is no width or height in these banners, so if you want these tags to
* allocate space for the ad before it shows, you will need to add this
* information to the tag.
*
* If you do not want to deal with the intricities of the noscript
* section, delete the tag (from … to ). On
* average, the noscript tag is called from less than 1% of internet
* users.
*/–>
„Треба да размислиме како можеме да живееме како соседи, а не како земји во конфликт… Трајно треба да се смени однесувањето од двете страни на границата. Ние не треба постoјaно да мафтаме со прстот и да се закануваме со вето, а од нивна страна постојано да се прават некои провокации, туку да се работи нa решенија за спорните прашања – како да се отворат границите, како луѓето да патуват, да се намалат провокациите“, изјави Калфин за БНР.
Според него, правата на луѓето треба да бидат во центарот на она што го прави Бугарија.
И покрај тоа што, според него, „провокациите“ доаѓаат од македонска страна, Калфин признава дека проблем предизвикуваат и иритирачките изјави на некои бугарски политичари, како и имињата на бугарските клубови во земјава.
„Изјавите на некои бугарски политичари кои се обидуваат уште малку да си ја продолжат политичката кариера – дека Република Северна Македонија ја нема и не постои, не помагаат. Не треба да се заборави и дека културните клубови во РСМ се именувани по личности кои очигледно спорни и иритирачки за нивната јавност“, вели Калфин.
Извор: МИА
