Германија планира двојно да го зголеми бројот на работни визи за работници од Западен Балкан
Германија планира двојно да го зголеми бројот на работни визи за луѓето од Западен Балкан, од сегашните 25.000 годишно на 50.000, јави денеска Дојче веле (DW).
<!–/*
* The backup image section of this tag has been generated for use on a
* non-SSL page. If this tag is to be placed on an SSL page, change the
* 'http://ads.365.mk/www/delivery/…'
* to
* 'https://ads.365.mk/www/delivery/…'
*
* This noscript section of this tag only shows image banners. There
* is no width or height in these banners, so if you want these tags to
* allocate space for the ad before it shows, you will need to add this
* information to the tag.
*
* If you do not want to deal with the intricities of the noscript
* section, delete the tag (from … to ). On
* average, the noscript tag is called from less than 1% of internet
* users.
*/–>
Во оваа насока германските синдикати предупредуваат дека странските работници може да бидат злоупотребени како евтина работна сила на своја штета, но и на штета на другите работници.
Членката на Управниот одбор на Конфедерацијата на германските синдикати (ДГБ), Евелин Редер, предупреди дека работниците мигранти во голема мера зависат од работодавецот за кој работат, бидејќи нивното работно место е поврзано со нивната дозвола за престој, што предизвикува страв дека ќе бидат вратени назад доколку се непослушни.
-Освен тоа, работниците мигранти често пати не зборуваат германски јазик и не се информирани за своите права, па се согласуваат со услови за работа кои се полоши од пропишаните со закон, кажа Редер.
Според неа, вработувањето на странски работници треба да се дозволи само во компании што имаат колективен договор.
Поради постојаниот недостаток на работна сила во земјата, германската Влада планира да ја либерализира легислативата за трудовата миграција, а дел од тој пакет е таканаречното „западнобалканско правило “ за кое треба да се расправа на 1 март.
Правилото предвидува две важни измени: од една страна треба да се укине ограничувањето на важноста на оваа мерка до крајот на 2023 година, односно тоа во иднина да стане трајно. И од друга страна, квотата за трудови мигранти од Западен Балкан се очекува да се удвои – од сегашните 25.000 годишно на 50.000.
„Западноблканското правило“ беше воведено по големиот бегалски бран во 2015 и 2016 година, а целта беше да се решат два проблема: спречување на неконтролираното доаѓање на барателите на азил и ублажување на недостигот на работна сила.
МИА
