МЗТ Скопје за нијанса подобар од вечниот ривал од Парк (ФОТО)
Кошаркарите на МЗТ Скопје ја потврдија завчерашната голема победа во АБА-лигата против Цедевита Олимпија, откако вечерва, по голема борба во сите 40 минути, го совладаа најголемиот противник Работнички (91-87).
Тоа беше вистински празник на кошарката, како на теренот така и на трибините на кои имаше скоро 3.000 гледачи, како потсетување на некои поромантични времиња на играта со портокаловата топка кај нас. Двете присутни навивачки групи го дадоа дополнителниот шмек, без никакви инциденти, освен неколкуте запалени пиротехнички средства кои ја намалија видливоста во „Јане Сандански“.
