Реал со ултиматум за Модриќ-нов договор ако престане да игра за Хрватска

Договорот на Лука Модриќ со Реал Мадрид истекува во јуни и се уште не е сигурно дали ќе го продолжи. Неспорно е дека постои желба од двете страни за продолжување на соработката.

Сепак, Реал Мадрид – како што пишува Onefootball – поставил услов за Модриќ кој не може да се преговара.

А тоа е дека, според она што се откри во последните неколку часа, Реал Мадрид му поставил ултиматум на Модриќ дека мора да престане да игра во репрезентативниот дрес. И тој ултиматум не можеше да се преговара.

За време на Мундијалот се пишуваше дека Модриќ ќе се збогува со „коцкестите“ на СП во Катар, но освоениот бронзен медал, како и фактот дека Хрватска во јуни ќе игра во финалето на Лигата на нации, разбуди нови емоции во Модриќ, кој најави дека ќе продолжи да игра за репрезентацијата.