Форум за филантропија во Стопанска комора

Форум за филантропија ќе се одржи денеска во Стопанската комора на Република Северна Македонија.

Форумот ќе го отворат Никица Кусиникова, извршна директорка на „Конект”, заменик- шефот на мисијата на Амбасадата на САД во земјава Ерик Мејер и заменик-претседателот на Владата задолжен за економски прашања Фатмир Битиќи.

– За филантропската инфраструктура во услови на криза свои искуства ќе споделат специјалните гости Фредерик Мулдер од „The Funding Network UK” од Обединетото Кралство и Марина Снижинска од „Мрежата на Глобалниот договор во Украина”, која ќе зборува за филантропијата и предизвиците за време на конфликтот во таа земја, соопшти тимот на „Конект”.

Настанот го организира тимот на „Конект” во рамки на Проектот на УСАИД Партнерства за донирање а во партнерство со Европскиот центар за непрофитно право, Стопанската комора на северозападна Македонија, Индиго и Американската стопанска комора во Северна Македонија.